महामारीमा महान कार्य

सङक्रमितको मनोबल उच्च बनाउदै गुल्मीको भगवती युवा क्लब

अनिष पन्थी
जेठ ८, २०७८ शनिवार

सङक्रमितको मनोबल उच्च बनाउदै गुल्मीको भगवती युवा क्लब

अ +
अ
अ -

अनिष पन्थी, गुल्मी । पछिल्लो समय कोरोना संक्रमणको सन्दर्भमा ब्यक्ति अनुसारका आआफ्नै टिका-टिप्पणीहरु हुन थालेका छन् । जसले गर्दा सामाजिक सञ्जालमा हुने गरेका टिप्पणीहरुले संक्रमितमा भय पैदा हुने र मनोबल कमजोर बनाउने गरेको छ ।

यहि जेष्ठ ३ गते धुर्कोट गाउँपालिका–३ हाडहाडे गुल्मीमा २० जनामा गरिएको एन्टीजेन परिक्षणमा १० जनामा संक्रमण पोजिटिभ देखिएको थियो ।

संक्रमण पुष्टि भएका व्यक्तिहरूको मनोबल बढाउनका लागी भगवती युवा क्लव धुर्कोट –३ हाडहाडे गुल्मीले सामाजिक दूरी कायम गरी सावधानीका साथ प्रत्येक सङ्क्रमितहरुलाई भेटेर परामर्शदाताद्वारा परामर्श दिनुको साथै फलफूल, अण्डा तथा माक्स वितरण गरेको छ।

कोरोना सङ्क्रमितहरुको अवस्था सामान्य रहेकोले आवश्यक परेको समयमा सहयोग गर्न आफूहरु तयार रहेको क्लवका सचिव सरोज खत्रीले बताउनुभयो ।

त्यस्तै, धुर्कोट–३ हाडहाडे गुल्मीका महिला वडा सदस्य सावित्रा बस्नेतले बिरामीहरूलाई सिघ्र स्वास्थ्यलाभको कामना गर्दै हाडहाडेबासीलाई कोरोनाको समयमा जथाभावी हिँडडुल नगर्न, जमघट नगर्न, घरबाहिर निस्कदा मास्क प्रयोग गर्न आग्रह गर्नूभएकोे क्लवका सदस्य चेतना थापा क्षेत्री तथा गोविन्द विकले जानाकारी दिनुभएको छ ।