लमजुङमा पृथ्वीसुब्बा गुरुङ विजयी, प्रदेशका दुवै क्षेत्रमा कांग्रेस

राजेश पराजुली
मंसिर ८, २०७९ बिहिवार

लमजुङमा पृथ्वीसुब्बा गुरुङ विजयी, प्रदेशका दुवै क्षेत्रमा कांग्रेस

अ +
अ
अ -

राजेश पराजुली, गण्डकी प्रदेश । लमजुङबाट प्रतिनिधि सभा सदस्यका लागि नेकपा एमालेका पृथ्वीसुब्बा गुरुङ निर्वाचित भएका छन् । सत्ता गठबन्धनका साझा उम्मेदवार माओवादी केन्द्रका देव गुरुङलाई पराजित गर्दै पृथ्वीसुब्बा निर्वाचित भएका हुन् । गुरूङ गण्डकीका संस्थापक मुख्यमन्त्री हुन् ।
नेकपा एमालेका उपमहासचिव पृथ्वीसुब्बा र माओवादीका महासचिव देवबीच ३ हजार १८८ मतान्तर छ ।
पृथ्वीसुब्बाले ३४ हजार ९६९ मत ल्याउदा देवले ३१ हजार ७८१ मत पाए । राष्ट्रिय स्वतन्त्र पार्टीका धर्मराज केसीले ९ हजार २९, राष्ट्रिय प्रजातन्त्र पार्टीका बालचन्द्र श्रेष्ठले १ हजार २३१, मंगोल नेशनल अर्गानाइजेसनका विकास गुरुङले ४५७ मत पाएका छन् ।
१ लाख ३३ हजार ५५९ मतदात रहेको लमजुङमा ८० हजार ९१७ मत खसेको थियो । लमजुङका दुवै प्रदेश सभामा नेपाली कांग्रेसका उम्मेदवार विजयी भएका छन् ।
प्रदेश ‘क’ मा कांग्रेसका टकराज गुरुङले एमालेका जमिन्द्रमान घलेलाई १ हजार १६१ मतान्तरले पराजित गरे । गुरुङले १८ हजार ५०४ मत ल्याए । घलेले १७ हजार ३४३ मत पाएर पराजित भए ।