काठमाडौं । नेपाल नागरिक उड्डयन प्राधिकरणले नेपाल वायुसेवा निगमका एक पाइलटलाई कारबाही गरेको छ ।
कारबाहीमा परेका पाइलटको नाम भने गोप्य राखिएको निगमले जनाएको छ । प्राधिकरणले एयर होस्टेसलाई यौन दुर्व्यवहार गरेको भन्दै ती पाइलटलाई कारबाही गरेको हो ।
उक्त पाइलटले सात महिनाअघि एयर होस्टेसलाई यौन दुर्व्यवहार गरेको भन्दै उडानमा रोक लगाइएको प्राधिकरणका सूचना अधिकारी जगन्नाथ निरौलाले जानकारी दिए ।
प्राधिकरणमा उजुरी परेपछि घटनाको अनुसन्धान गर्दा दुर्व्यवहार भएको पुष्टि भएपछि पाइलटलाई कारबाही गरिएको सूचना अधिकारी निरौलाले बताए ।
उनले भने “हामीले यो विषयमा सूचना प्राप्त गरेसँगै कारबाही अगाडि बढाएका हौं । यो विषयमा थप अध्ययन गर्न निगमलाई निर्देशन समेत दिएका छौं ।”
गत साउनमा मलेसियाबाट काठमाडौं फर्केको निगमको जहाजमा एयर होस्टेजलाई दुर्व्यवहार गरेका थिए ।
प्राधिकरणले ती पाइलटलाई ‘ह्यारेसमेन्ट एट वर्क प्लेस’ अन्तर्गत कारबाही अगाडि बढाएको उनले बताए ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)