राजेश पराजुली, गण्डकी प्रदेश , चितवन । स्वतन्त्र विद्यार्थी युनियनको निर्वाचनका क्रममा जिल्लाको ११ क्याम्पसमा विद्यार्थी संगठनहरुले विभिन्न बहानामा लगाएका ताला प्रहरीले हटाएको छ । विद्यार्थी संगठनले आफुले लगाएका ताला नहटाएपछि प्रहरीले ताला फोरेको हो ।
जिल्ला प्रशासन कार्यालयमा हिजो बसेको राजनीतिक दल र सुरक्षा निकायको बैठकले स्ववियु निर्वाचन शान्तिपूर्ण रुपमा सम्पन्न गर्ने निर्णय गरेको थियो । सोहि अनुसार विभिन्न दलका विद्यार्थी संगठनले क्याम्पसहरुमा लगाएको ताला आज बिहान सम्म खोल्न सम्बन्धित दलले निर्देशन दिने बताइएको थियो ।
प्रशासनले पनि एक सूचना जारी गरी तालाबन्दी हटाउन अनुरोध गरेको थियो । दलको निर्देशन र प्रशासनको आग्रहपछि पनि ताला नखोलिएपछि प्रशासनले प्रहरी लगाएर ताला फोरेको जिल्ला प्रशासन कार्यालय चितवनका सूचना अधिकारी आनन्दवंश न्यौपानेले जानकारी दिए । आगामी चैत ५ गते स्ववियु निर्वाचन हुँदै छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)