जनकपुरधाम । मधेस प्रदेशको सरकारमा मन्त्रिपरिषद् विस्तार गर्न बसेको दलको बैठक विना कुनै निष्कर्ष सकिएको छ ।
जनमत पार्टी मधेस प्रदेशका दलका नेता महेशप्रसाद यादवका अनुसार कांग्रेस, लोसपा र नेकपा एकीकृत समाजवादी (एस)लाई सरकारमा सहभागी गराउन सोमबार बसेको पहिलो चरणको बैठक सकिएको हो ।
सरकारमा सहभागी हुने दलहरूलाई ७ सांसद बराबर एउटा मन्त्रालय दिने सहमति भएको नेता यादवले जनाए । उनले मंगलबार ८ बजे पुनः बैठक बसेर मन्त्रालय बाँडफाँटबारे टुङ्गो लाग्ने बताए ।
दलका नेताहरूबीच भएको सहमतिअनुसार पाँचदलीय गठबन्धनका सबैभन्दा ठुलो दल कांग्रेसले ३, जसपाले २, जनमतले २, माओवादी, लोसपा र नेकपा एसले १/१ मन्त्रालय पाउने भएका छन् ।
सरकारमा अहिले जसपाले ३ वटा मन्त्रालय पाएको छ । यसरी गठबन्धनबीच मन्त्रालय बाँडफाँट हुँदा जसपाले एउटा मन्त्रालय छोड्नुपर्ने देखिन्छ । एमालेले सरकार छोड्दा खाली रहेको ४ वटा मन्त्रालयमध्ये कांग्रेसले ३, लोसपाले १ र नेकपा एसले १ वटा मन्त्रालय पाउनेछन् ।
सोमबार दलका नेताहरूबीच सैद्धान्तिक छलफल भएको कांग्रेस मधेस प्रदेश दलका नेता कृष्णा यादवले जनाए । उनले अब (भोलि) मंगलबार बस्ने दलको बैठकबाट मन्त्री नियुक्त गरी भोलि नै शपथ ग्रहण गरिने बताए ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)