रूपन्देही । रोल्पाबाट दाङको घोराही आउँदै गरेको बस दुर्घटना हुँदा दुईजनाको मृत्यु भएको छ । अरु केही मानवीय क्षति भएको स्थानीयले बताएपनि प्रहरीले पूरा विवरण आइनसकेको बताएको छ ।
दुर्घटनामा १४ जना घाइते भएका छन् । शहीदमार्ग अन्तर्गत रोल्पा बागमाराबाट दाङ घोराहीतर्फ आउँदै गरेको ना. ५ ख २६१२ नम्बरको बस परिवर्तन गाउँपालिकाको-७ ऋचि भन्ने ठाउँको घुम्तीमा दुर्घटनामा परेको हो ।
प्रमुख जिल्ला अधिकारी परमानन्द घिमिरेले बस सडकबाट करिब १०० मिटर तल खसेको जानकारी दिएका छन् । उनका अनुसार दुर्घटनाको विस्तृत विवरण संकलन भइरहेको छ ।
दुर्घटनाका घाइतेलाई उद्धार गरेर अहिले अस्पताल लग्ने काम भइरहेको छ । उद्धारको कार्यमा नेपाली प्रहरी, सशस्त्र प्रहरीलगायत स्थानीय खटिएका छन् । बसमा कति यात्रु थिए भन्ने खुल्न सकेको छैन ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)