'सर्बोच्चको फैसला विरुद्ध देश भर बिरोध प्रदर्शन गरौं' - महेश बस्नेत

सेतोमसी
आषाढ २८, २०७८ सोमवार

'सर्बोच्चको फैसला विरुद्ध देश भर बिरोध प्रदर्शन गरौं' - महेश बस्नेत

अ +
अ
अ -

काठमाडौं । सर्वोच्च अदालतले प्रतिनिधिसभा विघटन बदर गर्दै शेरबहादुर देउवालाई प्रधानमन्त्री नियुक्तिका लागि परमादेश दिएपछि ओली समर्थक एमाले नेता महेश बस्नेतले देशभर प्रदर्शन गर्न कार्यकर्तालाई आदेश दिएका छन् ।

सामाजिक संजाल फेसबूकमा लेख्दै नेता बस्नेतले जहाँ छौँ, त्यही सहभागी हुन भन्दै देशभर आन्दोलन गर्न कार्यकर्तालाई आदेश दिएका हुन् ।

उनले तुरुन्तै माइतिघरमा जम्मा भएर आन्दोलन गर्न भनेसंगै एमाले कार्यकर्ताले सोमबार सर्वोच्च अदालत नजिकै माइतीघर मण्डलामा गरेको प्रदर्शनमा उनीहरुले सबै फैसला मानिँदैन लेखिएको ब्यानर देखाएका छन् ।

बस्नेतको स्टाटस

तुरुन्त अहिले नै माइतिघर मण्डलामा जम्मा भएर सर्बोच्च अदालतको असंबैधानिक फैसलाक बिरुद्ध बिरोध जनाउ।

आजको दिन नेपालको इतिहासमा सर्बोच्च अदालत चुकेको दिन। निर्दलिय शाषण ब्यब्स्थाको पुन बिजारोपन भएको दिन। ब्यबस्थापिका र कार्यपालिकाको अधिकार न्यायपालिकाको नाउमा सेट्ङ्ग वाला केही न्याय मुर्तिका नामधारीहरुले हातमा लिएको क्षण। अब देश राजनैतिक द्वन्दमा प्रबेश गरेको छ। यो परमादेश कार्वानयन गर्ने असंभब छ।

युवा संघले यसको विरुद्ध तुरुन्तै माइतिघर मण्डलामा बिरोध प्रदशन गर्दैछ। जो जहाँ छौ सहभागी बनौ। देश भर बिरोध प्रदशन गरौं।