प्रदेश प्रमुख शेरचनलाई लुम्बिनी बौद्ध विश्वविद्यालयको ब्रिफिङ्ग

सेतोमसी
मंसिर २२, २०८० शुक्रवार

प्रदेश प्रमुख शेरचनलाई लुम्बिनी बौद्ध विश्वविद्यालयको ब्रिफिङ्ग

अ +
अ
अ -

देवदह । लुम्बिनी बौद्ध विश्वविद्यालयले लुम्बिनी प्रदेशका प्रदेश प्रमुख अमिक शेरचनलाई विश्वविद्यालयको आगामी कार्ययोजना बारे जानकारी गराएको छ । विश्वविद्यालयको डिन कार्यालय देवदहले प्रदेश प्रमुखलाई कार्यालयमै आमन्त्रण गरेर विश्वविद्यालयको कार्यक्रम बारे जानकारी गराएको हो ।

शुक्रबार विश्वविद्यालयको डिन कार्यालय शितलनगरमा एक कार्यक्रम आयोजना गरि विश्वविद्यालयका डिन उकेशराज भुजुले प्रदेश प्रमुख शेरचनलाई देवदहमा विश्वविद्यालयले संचालन गरेका कार्यक्रम र आगामी योजनाबारे जानकारी गराएका हुन् ।

विश्वविद्यालयको ब्रिफिङ्ग सुने लगत्तै प्रदेश प्रमुख शेरचन विश्वविद्यालयको योजनामा पृथ्वी उमा ज्ञान केन्द्रले देवदह-८ मा संचालन गरेको मल्टिलेयर कृषि कार्यक्रमको अनुगमन गरेका थिए ।

सो अवसरमा बोल्दै प्रमुख शेरचनले विश्वविद्यालयको योजनामा संचालित हरित उद्यम कृषि कार्यक्रममा सिंचाईको समस्या हल गर्न पहल गर्ने बताएका छन् । सोहि कार्यक्रममा बोल्दै देवदह नगरपालिका नगर प्रमुख ध्रुवप्रसाद खरेलले नगरपालिकाले कृषि कार्यक्रमलाई सहयोग गर्ने प्रतिवद्धता जनाए । बगरमा कृषि उद्यम गर्दै आएको पृथ्वी उमा ज्ञान केन्द्रले सिंचाई र मलको अभावमा काम गर्न कठिनाई हुँदै आएको बताएको छ ।

देवदह-८ मा विश्वविद्यालयको अत्याधुनिक प्रशासनिक भवन निर्माणाधीन अवस्थामा छ। हाल विश्वविद्यालयले देवदहमा स्नातक र स्नातोकोत्तर कार्यक्रम संचालन गरेको छ ।