अंग्रेजी गीत सुनाउँदै ओलीले भने–‘वी श्याल ओभरकम, एण्ड नो बडी क्यान स्टप अस’

सेतोमसी
श्रावण ७, २०७८ बिहिवार

अंग्रेजी गीत सुनाउँदै ओलीले भने–‘वी श्याल ओभरकम, एण्ड नो बडी क्यान स्टप अस’

फाइल फोटो

अ +
अ
अ -

काठमाडौं। नेकपा (एमाले) का अध्यक्ष तथा निवर्तमान प्रधानमन्त्री केपी शर्मा ओलीले आफुहरु फेरि सत्तामा आउने घोषणा गरेका छन् । उनले १९६० ताका अमेरिकी गायक बब डायलानको ‘वी श्याल ओभरकम समडे’ बोलको गीत स्मरण गर्दै आफूहरु पनि ओभरकम गर्ने बताए । बिहीबार पुष्पलाल श्रेष्ठको ४३औं स्मृति दिवस मनाउने पार्टीद्धारा आयोजित कार्यक्रमलाई सम्बोधन गर्दै उनले यस्तो बताएका हुन् ।

उनले भने, ‘सिक्सटीजमा अमेरिकी गायक बब डायलानको गीत थियो नि वी श्याल ओभरकम समडे, हामी पनि ओभरकम गर्छौं । वी श्याल ओभरकम नाउ, एण्ड नो बडी क्यान स्टप अस ।’ उनले आफू जनाताको आदेशबाट नभई अदालतको परमादेशबाट प्रधानमन्त्रीबाट हटेको स्पष्ट पारे ।

उनले भने, ‘मेरो चिन्ता के हो भने सम्मानित अदालतको विश्वास जनजनको मनमा बढोस । जे गरेपनि मान्नैपर्छ भनियो भने विश्वास कायम रहन्छ कि रहँदैन, त्यो चिन्ताको विषय हो । संविधान जसले पनि पढ्न जान्दछ । कानून जसले पनि पढ्न जानेको छ । म चाहन्छु अदालतको गरिमा बढोस ।’

त्यस्तै, अध्यक्ष ओलीले माधव नेपाल पक्षलाई पनि साथै लिएर जाने संकेत गरे । उनले नेपाल पक्षलाई बाटो बिराएका नेताहरुको संज्ञा दिए । र, उनीहरुलाई आममाफी दिने घोषणासमेत गरेका छन् ।