राजेश पराजुली, पोखरा । स्याङजाको कोल्मामा भएको चौथौं संस्करणको क्रसकन्ट्री दौडमा गोपाल तामाङ च्याम्पियन भएका छन् ।
२५ किलोमिटर दुरी १ घण्टा ३१ मिनेट ५६ सेकेन्डमा पूरा गर्दै नेपाली सेनाका तामाङ च्याम्पियन बनेका हुन् ।
गोरखाका सञ्जय श्रेष्ठले १ घण्टा ३३ मिनेट ४३ सेकेन्डमा दौड पुरा गर्दै उपविजेता भए ।
हुम्लाका सुशिलकुमार शाहीले १ घण्टा ३४ मिनेट २ सेकेन्डमा निर्धारित दुरी दौडेर तेस्रो स्थान हासिल गरे ।
विजेता, उपविजेता र तेस्रो हुनेले क्रमशः ५० हजार, ४० हजार, र ३० हजार रुपैयाँ नगदसहित ट्रफी र मेडल पाएका छन् ।
कोल्मा बराहचौरदेखि सुरु भएको दौड काउँले, बहाकोट, नाम्चे, काल्खु, राईपुर, ओरष्टे भन्ज्याङ कोल्मा बराहचौरमा पुगेर टुंगिएको थियो ।
१० किलोमिटर पुरुषतर्फ तनहुँका सनम गुरुङ विजेता भए । पोखराका तेन्जन रोका दोस्रो र मनोज रोका तेस्रो भए ।
उनीहरु क्रमशः २० हजार, १५ हजार र १० हजार रुपैयाँ नगदसहित ट्रफी र मेडलबाट पुरस्कृत भएका छन् ।
५ किलोमिटर महिलातर्फ जुम्लाकी राममाया बुढा विजेता हुँदा दाङकी सुस्मिताकुमारी चौधरी दोस्रो र पोखराकी नित् तामाङ तेस्रो भइन् ।उनीहरुले क्रमशः १५ हजार, १० हजार र ५ हजार रुपैयाँ प्राप्त गरे ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)