भुकम्प पिडितलाई नेशनल लघुवित्तको झन्डै ५० लाख आर्थिक सहयोग

सेतोमसी
पौष १६, २०८० सोमवार

भुकम्प पिडितलाई नेशनल लघुवित्तको झन्डै ५० लाख आर्थिक सहयोग

अ +
अ
अ -

सुर्खेत । कर्णाली प्रदेशको जाजरकोट केन्दु‌विन्दु भई कात्तिक १७ मा गएको विनासकारी भुकम्पबाट प्रभावितहरूको लागि नेशनल लघुवित्त वित्तीय संस्थाले झन्डै ५० लाख आर्थिक सहयोग गरेको छ । संस्थाले भुकम्प प्रभावित क्षेत्र दार्मा गाउँपालिका, सल्यान र आठबिसकोट नगरपालिका रूकुम पश्चिमको स्थानीय निकायको विपद व्यवस्थापन कोषमा ४-४ लाख रूपैयाँ र भुकम्प पिडित आफ्ना ग्राहकहरूलाई ४० लाख ७४ हजार नगद राहत उपलब्ध गराएको संस्थाका सूर्खेत कार्यालय अनुगमन अधिकृत विनोद पाण्डेले जानकारी दिए ।

संस्थाका प्रमुख कार्यकारी अधिकृत राम बहादुर यादवले पुष १४ गते दार्मा गाउँपालिका अध्यक्ष निमबहादुर केसी र पुष १५ गते आाठविसकोट नगरपालिकाका नगरप्रमुख रवी केसीलाई भेटेर राहत रकम हस्तान्तरण गरेका हुन् ।

साथै संस्थाले भुकम्पबाट प्रभावित १ हजार २९७ जना आफ्ना ग्राहक सदस्यहरूलाई ४० लाख ७४ हजार रूपैयाँ राहत वितरण गरेको छ । संस्थाले भुकम्प प्रभावित बाघचौर शाखा अन्तरगतका सदस्यहरूको लागि २१ लाख ५४ हजार, आठबिसकोट शाखाका सदस्यहरूको लागि ११ लाख ६४ हजार र शेरिगाउँ शाखाका सदस्यहरूको लागि ७ लाख ५६ हजार राहत उपलब्ध गराएको अधिकृत पाण्डेले जानकारी दिए ।

हाल २०६ वटा शाखा कार्यालय मार्फत ७४ जिल्लाका २ लाख ५० हजार घरधुरीमा वित्तीय सेवा प्रवाह गर्दै आएको नेशनल लघुवित्तले १८ अर्ब कर्जा र ५ अर्ब बचत परिचालन गर्दै आएको संस्थाले जनाएको छ ।