गुल्मीकाे रिडिमा निर्माणधिन तिनमुखे पुलकाे नब्बे प्रतिशत काम सकियो

सेतोमसी सहकर्मी

गुल्मीकाे रिडिमा निर्माणधिन तिनमुखे पुलकाे नब्बे प्रतिशत काम सकियो

अ +
अ
अ -

गुल्मी
नेपालकै धार्मिक तथा पर्यटनकाे क्षेत्रमा प्रचुर सम्भावना भएको प्रसिद्ध रुरुधाममा निर्माणाधीन तिनमुखे पुलकाे नव्वे प्रतिशत काम सम्पन्न भएकाे छ ।
चार वर्ष अगाडि रुरुक्षेत्रकाे पर्यटन विकासमा नयाँ आयाम थप्नेगरि निर्माण कार्य शुरु गरिएकाे याे पुल विभिन्न आराेह अवराेह पार गर्दै अव करिव करिव सम्पन्न हुने अवस्थामा पुगेकाे हाे ।
याे पुल निर्माण भए सँगै तीन जिल्ला गुल्मी पाल्पा र स्याङ्जा साथै लुम्बिनी र गण्डकी प्रदेशलाई जाेड्ने छ ।

यतिवेला बिचकाे टावरवाट लुट्ठा टाँग्ने काम जाेडताेडले भईरहेकाे छ । पाल्पा र गुल्मी तिर लुट्ठा टाग्ने काम अन्तिम अवस्थामा छ भने काली गण्डकी नदिमा जलस्तर र अभाव अत्यधिक रहेकाले स्याङ्जा तर्फ लठ्ठा टाँग्ने काममा केही ढिलाई भएकाे तिनमुखे पुलकाे निर्माण कार्य हेरिरहनु भएका सुपरवाईजर उजिर खानले बताएका छन् ।
कुल ५ सय चालिस मिटर लम्बाई रहेकाे पुलकाे तीन तिरका भागकाे लम्बाई १ सय असि मिटर रहेकाे बताईन्छ ।

सम्झौता अनुसार २०७४ असार मसान्तमा काम सक्नु पर्ने भएपनि विविध कारणले काम लम्विएकाे र अव एक दुई महिनामै पुलकाे काम सकिने सुपरवाईजर खानले बताए ।

काम भईरहँदा कालिगण्डकी नदिकाे पानीको बाहव बढिरहेको र बाढिका कारण निर्माण कम्पनीका सामानहरु बगाउँदा निर्माण कम्पनि नयाँबाटो रुबिना निर्माण कम्पनीले क्षति समेत भाेगेकाे छ ।
कुल साढे नौ कराेडकाे लागत रहेकाे याे पुलकाे निर्माण सँगै रुरुक्षेत्र भित्रका स्याङ्जा गुल्मी र पाल्पाका धार्मिक क्षेत्रमा पुग्न सहज हुने मात्र हाेईन रुरुक्षेत्र भित्रकाे धार्मीक पर्यटनमा विशेष महत्व राख्ने देखिएकाे छ ।