काठमाडौं । सेन्ट्रल एसियन भलिबल एसोसिएसन (काभा) महिला क्लब च्याम्पियनसिपको उपाधि जितेको नेपाल पुलिस क्लबको टोली स्वदेश फर्किएको छ । उपाधिसहित स्वदेश फर्किएको टिमलाई सोमबार बिहान त्रिभुवन अन्तर्राष्ट्रिय विमानस्थलमा बाजागाजासहित स्वागत गरिएको थियो ।
माल्दिभ्समा भएको प्रतियोगिताको फाइनलमा पुलिसले उज्वेकिस्तानको हुमो भलिबल क्लबलाई ३–० को सोझो सेटमा हराउँदै उपाधि जितेको हो । शुक्रबारसम्म चलेको प्रतियोगितामा नेपालसँगै, उज्वेकिस्तान, श्रीलंका, माल्दिभ्स र ताजकिस्तानका कुल ६ क्लबले सहभागिता जनाएका थिए ।
अपराजित रहँदै च्याम्पियन बनेको पुलिसले लिग चरणमा हुमो, श्रीलंकाको श्रीलंका एयर फोर्स र ताजकिस्तानको डाइमेड भलिबल क्लबलाई समान ३–० को सेटमा हराएको थियो । यस्तै, माल्दिभ्सको वाम्को क्लबलाई ३–२ तथा माल्दिभ्स पुलिस क्लबलाई ३–१ को सेटमा पराजित गरेको थियो ।
गत चैत्रमा सम्पन्न आठौँ एनभीए महिला भलिबल लिग विजेताको हैसियतमा पुलिसले यस काभा महिला क्लब च्याम्पियनसिपमा सहभागिता जनाउने अवसर पाएको हो । नेपालबाट कुनै पनि भलिबल क्लबले अन्तर्राष्ट्रिय प्रतियोगितामा सहभागिता जनाएको यो पहिलोपटक हो ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)