पूर्वराजाको हैसियतमा ज्ञानेन्द्र शाहलाई दिएका सबै सुविधा खोस्न नेपाल संघीय समाजवादी पार्टीको माग

सेतोमसी
फाल्गुण २५, २०८१ आइतवार

पूर्वराजाको हैसियतमा ज्ञानेन्द्र शाहलाई दिएका सबै सुविधा खोस्न नेपाल संघीय समाजवादी पार्टीको माग

अ +
अ
अ -

काठमाडौं । नेपाल संघीय समाजवादी पार्टीका अध्यक्षमोहमद रिजवान अन्सारीले वर्तमान राजनीतिक नेतृत्व र उनीहरुको अकर्मण्यताको कारण देशमा प्रतिक्रियावादी शक्तिहरु सल्बलाइरहेको आरोप लगाएका छन् । अदुरदर्शी राजनीतिका कारण अहिले राजा सक्रिय भएर मुलुकमा फेरि प्रतिगमनको खतरा बढेको उनले बताए ।

केहि तत्वले राजा आउ देश बचाउ भन्ने नारा लगाउन जनतालाई उक्साइरहेको स्थिति देखा परिरहेको छ ।’ पूर्वगृह राज्यमन्त्री समेत रहेका अन्सारीले भने, ‘सरकारले यसलाई गम्भिरतापुर्वक लिएर पूर्व राजालाई पूर्व राजाको हैसियतमा दिएको सबै सुविधा कटौती गरी र कानुनी दायरामा ल्याओस ।’

अन्सारीले वर्तमान समस्याबाट मुक्त हुन अब सम्पूर्ण शोषित, पीडित, उत्पीडित वर्गको नेतृत्व गर्ने राजनीतिक शक्तिहरू एक हुनुपर्ने आवश्यकता रहेको औंल्याए ।
केन्द्रीय कार्यालय बिजुलीबजार (बबरमहलमा) आईतवार सम्पन्न पार्टीको बैठकलाई सम्बोधन गर्दै अध्यक्ष अन्सारीले स्थानीय जनताको हित विपरीत पाथिभरामा निर्माण गर्न लागिरहेको केबलकारको विरोधमा सशक्त भएर विरोध गर्ने जनाएका छन् । उनले रिंकु सदाको बलात्कार र हत्यामा न्यायको विषयमा पार्टी सशक्त भएर लाग्ने समेत बताएका छन् ।