काठमाडौँ । भारतको अहमदाबाद विमान दुर्घटनाको प्रारम्भिक रिपोर्टमाथि एयरलाइन पाइलट एसोसिएसन अफ इन्डियाले अनुसन्धानको विधिमाथि चिन्ता व्यक्त गरेको छ ।
एसोसियसनले विज्ञप्तिमा, योग्य व्यक्तिहरूलाई अनुसन्धानमा समावेश नगरिएको आरोप लगाउदै रिपोर्टप्रति चिन्ता व्यक्त गरेको हो ।
एसोसियसनका अध्यक्ष क्याप्टेन साम थोमसले भनेका छन्- 'हामीलाई लाग्छ, यो अनुसन्धान पाइलटहरूलाई दोषी ठानेर गरिएको छ र हामी यो सोचाइमा आपत्ति जनाउँछौं ।'
विमान दुर्घटनाको प्रारम्भिक अनुसन्धान रिपोर्ट अनुसार, उडान भरेको केही सेकेन्ड पछि विमानको दुवै इन्जिन बन्द भएको थियो । रिपोर्टले विमानका दुई पाइलटहरू बीचको कुराकानी पनि उल्लेख गरको छ । इन्जिनको इन्धन आपूर्ति बन्द हुने बित्तिकै, इन्जिन १ र इन्जिन २ को गति उडान भर्ने स्तरबाट घट्न थालेको प्रारम्भिक अनुसन्धान रिपोर्टमा उल्लेख छ ।
पाइलट एसोसिएसनले अधिकारीहरूलाई अनुसन्धान प्रक्रियामा समावेश गर्न अपील गरेको छ । विज्ञप्तिमा भनिएको छ- 'हामी फेरि एक पटक उनीहरूलाई अनुसन्धानमा आवश्यक पारदर्शिता कायम राख्न हामीलाई पर्यवेक्षकको रूपमा समावेश गर्न अपील गर्दछौं ।'
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
