काठमाडौँ । अफगानिस्तानमा भएको सडक दुर्घटनामा ७३ जनाको मृत्यु भएको छ । मृत्यु हुनेमा १७ बालबालिका रहेको मिडिया रिपोर्टमा उल्लेख छ । इरानबाट उद्धार गरिएका अफगान आप्रवासीहरू बोकेको बस आगलागी भएको बताइएको छ ।
तालिबानका सूचना तथा संस्कृति निर्देशक अहमदुल्लाह मुत्ताकीले काबुल जाँदै गरेको बसमा आगलागी भएको बताए । बसमा रहेका सबैको मृत्यु भयो र यससँगै ठोक्किएका दुई सवारी साधनमा रहेका दुई जनाको पनि मृत्यु भएको बताइएको छ ।
हालैका महिनाहरूमा, इरानले आफ्नो देशमा द्वन्द्वका कारण भागेका अफगानहरूलाई निष्कासन गर्ने प्रक्रिया बढाएको छ । १९७० को दशकदेखि लाखौं अफगानीहरू इरान र पाकिस्तान भागेका थिए । यसमा १९७९ मा अफगानिस्तानमा सोभियत संघको आक्रमण र २०२१ मा तालिबान सत्तामा फर्किएपछि ठूलो संख्यामा मानिसहरू इरान गएका थिए ।
पछिल्लो समय इजरायलको इरानमाथिको आक्रमणपछि अफगानीहरुले इजरायलका लागि जासुसी गरेको पाइएपछि इरानले अफगानीहरुलाई देश निकाला गर्ने अभियाननै चलाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
