महाधिवेशनका नाममा एमाले,कांग्रेसले भीड मात्रै जम्मा पारे, हामी विचार निर्माण गर्छौं : प्रचण्ड

सेतोमसी
मंसिर २६, २०७८ आइतवार

महाधिवेशनका नाममा एमाले,कांग्रेसले भीड मात्रै जम्मा पारे, हामी विचार निर्माण गर्छौं : प्रचण्ड

अ +
अ
अ -

काठमाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले महाधिवेशनका नाममा एमाले र कांग्रेसले भिड मात्रै जम्मा गरेको टिप्पणी गरेका छन् ।

शनिबार पार्टीको प्रदेश सम्मेलनको संयुक्त उद्घाटन गर्दै प्रचण्डले एमाले र कांग्रेस विचारहिन र सिद्दान्तहिन बनेको आरोप समेत लगाए।

‘अरु पार्टीले महाविधेशन भनेर भिड जम्मा गर्ने गरेका छन्,’ प्रचण्डले भने, ‘एमालेले पञ्च र्याली गर्‍यो । त्यो निभ्ने बेलाको बत्ति मात्रै हो । त्यहाँ माक्र्सवादको म पनि उच्चरण गरिएन । त्यहाँ व्यक्ति पुजा गरियो ।

प्रचण्डले कांग्रेसमा पनि उम्मेवारी मनोनय र चुनावमात्रै हुने र विचारको बहस नहुने आरोप लगाए। ‘कांग्रेसको त झन हामीले हेरिरहेका छौं,’ उनले भने, ‘विचारको बहस छैन् । खाली उम्मेदवारी दर्ता र चुनाव मात्रै छ ।’

उनले राष्ट्रिय सम्मेलनमा आफूहरुले अनावश्यक तामझाम नगर्ने जानकारी दिए । प्रचण्डले भने, ‘हामी ८ लाख सदस्य भएको पार्टी हो । हामी त्यो भन्दा ठूला तामझाम गर्न सक्छौं । त्यो गरौंला पनि कुनै दिन । तर, यसपाली हामी विचार केन्द्रित हुने छौं ।’

आफूले राष्ट्रिय सम्मेलनमा प्रस्तुत गरिने प्रतिवेदन लेखिरहेको बताउँदै प्रचण्डले त्यो निरन्तरतामा क्रमभंग गर्ने खालको हुने दावी गरे।