देवदह । देवदहको बनचौकीमा लाग्ने सोमवारे हाटबजारमा अत्यधिक बिषादीयुक्त रायोको साग विक्री गरिएको पाइएको छ । सोमवार नगरपालिकाले गरेको अनुगमनमा रायोको सागमा अध्याधिक बिषादी भेटिएको अनुगमन संयोजक कृष्णप्रसाद अधिकारीले जानकारी दिए ।
सामन्यतया बिषादीको मात्रा ३५ भन्दा तल हुनुपर्नेमा रायो सागमा ४४.६५३ प्रतिशत कार्वामेट नामक विषादी भेटिएको नगरपालिकाले जनाएको छ ।
'केन्द्रिय कृषि प्रयोगशाला अन्तर्गत विषादी अवशेष द्रुत विश्लेषण प्रयोगशाला इकाई, बुटवलमा सोमबारे हाटबजारका काउली, साग, टमाटर, सिमि, बन्दाकोपी लगायत ८ थरी तरकारी परीक्षण गरेको थियो ।' देवदह नगरपालिका बजार अनुगमन प्रमुख अधिकारीले भने, 'परीक्षणका क्रममा रायो सागमा अत्यधिक मात्रामा विषादी भेटियो ।'
विषादीको मात्रा धेरै भेटिएको उक्त रायो साग तत्कालका लागि उपभोग अयोग्य रहेको र छर्किएको विषादी न्यूनीकरणको लागी ४८ घण्टा क्वारेन्टाइनमा राख्न निर्देशन गरिएको जनाइएको छ ।
३५ देखि ४५ प्रतिशत पाइए केही दिन राखेर मात्रै उपभोग गर्न सकिने मापदण्ड बनाएको छ । यस्तै ४५ प्रतिशतभन्दा बढी भयो भने त्यस्ता तरकारी उपभोगका लागि अयोग्य मानिएको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)