अन्तर्राष्ट्रिय

ट्रम्पले गाजा बारे बनाएको शान्ति बोर्डमा रुस सहभागी हुनसक्ने

एजेन्सी
माघ ८, २०८२ बिहिवार

ट्रम्पले गाजा बारे बनाएको शान्ति बोर्डमा रुस सहभागी हुनसक्ने

अ +
अ
अ -

काठमाडौँ । रुसी राष्ट्रपति भ्लादिमिर पुटिनले अमेरिकी राष्ट्रपति डोनाल्ड ट्रम्पको गाजा पुनर्स्थापना बारेको 'शान्ति बोर्ड' मा सामेल हुन सक्ने बताएका छन् ।

रुसी मिडिया आरटीका अनुसार, पुटिनले प्यालेस्टिनी जनतासँग रूसको विशेष सम्बन्धलाई ध्यानमा राख्दै, शान्ति बोर्डमा एक अर्ब डलर योगदान गर्न सक्ने बताएका छन् । पूर्व अमेरिकी राष्ट्रपति जो बाइडेनको कार्यकालमा, विदेशी भूमिमा अवस्थित धेरै रूसी सम्पत्तिहरू जफत गरिएको थियो । पुटिनले ती सम्पत्तिहरूबाट सहयोग गर्न सक्ने संकेत गरेका हुन् ।

पुटिनले भने- 'बाँकी रकम युद्धबाट प्रभावित क्षेत्रहरूको पुनर्निर्माण गर्न प्रयोग गर्न सकिन्छ । हामी सम्झौतामा पुग्न अमेरिकी प्रतिनिधिसँग वार्ता गरिरहेका छौं । म यी सबै मुद्दाहरूमा प्यालेस्टिनी राष्ट्रपति महमूद अब्बास र अमेरिकी प्रतिनिधिहरू जारेड कुशनर र स्टीव विटकफसँग छलफल गर्ने आशा गर्दछु, जो युक्रेन मुद्दामा वार्ताको लागि भोलि मस्को आउँदैछन् ।'

यसैबीच, अमेरिकी राष्ट्रपति ट्रम्पले पनि पुटिनलाई 'शान्ति बोर्ड' मा सामेल हुन आमन्त्रित गर्ने आफ्नो मनसाय व्यक्त गरेका छन् । डाभोसमा भएको विश्व आर्थिक मञ्चको बैठकको क्रममा, ट्रम्पले पुटिनलाई शान्ति बोर्डमा आमन्त्रित गर्न चाहेको बताएका हुन् ।