उस्मान डेम्बेलेलाई साउदी लिगको बम्पर अफर !

सेतोमसी
माघ १५, २०८२ बिहिवार

उस्मान डेम्बेलेलाई साउदी लिगको बम्पर अफर !

अ +
अ
अ -

काठमाडौँ । फ्रान्सका राइट विंगर उस्मान डेम्बेलेका लागि साउदी प्रो लिगले बम्पर अफर गरेको छ ।

पिएसजीका डेम्बेलेलाई साउदी प्रो लिगमा आउनका लागि सय मिलियन युरोको प्रारिश्रमिक प्रस्ताव गरिएको रिपोर्टले सनसनी मच्चाएको छ । बेलुन डो अर विजेता डेम्बेलेको पीएसजीमा २०२८ को जुन ३० सम्म सम्झौता रहेको छ । उनी पीएसजीका महत्वपूर्ण खेलाडी भएपनि अहिले उनले पीएसजीमा परिश्रमिक बढाउन दबाब दिएको रिपोर्ट बाहिर आएको छ । पिएसजी र डेम्बेलेबीच पारिश्रमिक बढाउने र सम्झौता नवीकरण गर्ने छलफल नमिलेको खबर बाहिर आएपछि साउदी प्रो लिगले उनका लागि सय मिलियन युरोको प्रस्ताव गरेको रिपोर्ट गरिएको छ ।

यससँगै डेम्बेलेको आगमन पछि क्लबको इतिहासमै पहिलो पटक च्याम्पियन्स लिग जितेको पीएसजीले उनलाई गुमाउन सक्ने सम्भावना बढेको बताइएको छ ।

२०२३ मा बार्सिलोनाबाट पीएसजी आएका डेम्बेलेले अहिलेसम्म ११५ खेल खेल्दै ४९ गोल गरेका छन् । उनले पिएसजीलाई २०२४-२५ को च्याम्पियन्स लिग जिताउन महत्वपूर्ण भूमिका खेलेका थिए भने उनले दुई सिजन लिग वान जिताएका छन् । त्यस्तै युइएफए सुपर कपको उपाधि सहित युइएफए इन्टरकन्टिनेन्टल कप समेत जिताएका छन् । त्यस्तै २०२५ मा भएको फिफा क्लब विश्वकपमा पिएसजी उपविजेता समेत बनेको थियो ।