प्रतिनिधिसभा निर्वाचन

नीति र नेतृत्वको हिसावले नेपाली कांग्रेस नयाँ पार्टी हो : उम्मेदवार खत्री

सेतोमसी
माघ १८, २०८२ आइतवार

नीति र नेतृत्वको हिसावले नेपाली कांग्रेस नयाँ पार्टी हो : उम्मेदवार खत्री

अ +
अ
अ -

देवदह । नेपाली कांग्रेसको तर्फबाट रुपन्देही क्षेत्र नं १ का उम्मेदवार हिराबहादुर खत्रीले नीति र नेतृत्वको हिसावले नेपाली कांग्रेस नयाँ पार्टीको रुपमा स्थापित भएको बताएका छन् ।

युवाहरुको चाहना र देशको आवश्यकता बमोजिम नेपाली कांगे्रस परिवर्तित भएकाले कांग्रेसलाई नयाँ मान्नुपर्ने उनले बताए ।

प्रतिनिधिसभा निर्वाचनको लागि सम्पर्क कार्यालय उद्घाटनको क्रममा देवदहको वडा नं ४ र तिलोत्तमा १२ मा बोल्दै उनले पछिल्लो क्रममा राजनीतिमा उठ्ने गरेको नयाँ भन्ने शब्दको परिभाषा सहित बहस र छलफल थाल्नुपर्ने धारणा राखे ।

‘पछिल्लो पटक निर्वाचन आयोगमा दर्ता भएको हिसावले नयाँ पार्टीको परिभाषा खोज्ने हो भने निर्वाचन आयोगको ढड्डा पल्टाउनुपर्ने हुन्छ ।’ उनले भने, ‘राजनीतिक दृष्टिकोणबाट हेर्ने हो भने आम युवाको प्रतिनिधित्व गर्नेगरी कांग्रेस रिफर्म भएको छ ।’

वडा नं १२ का सभापति छोटेलाल यादव र देवदह ४ का मनमोहन यादवको सभापतित्वमा भएको कार्यक्रममा क्षेत्रीय प्रचार प्रसार संयोजक हरिप्रसाद काफ्ले, महासमिति सदस्य मणिप्रसाद शर्मा, एकबहादुर सुनार, देवदह नगर सभापति गुणाखर भुर्तेल लगाएत पार्टीका नेता, कार्यकर्ता तथा शुभचिन्तकहरुको उपस्थिति रहेको थियो ।