काठमाडौँ । भेनेजुएलाका प्रमुख विपक्षी नेता जुआन पाब्लो गुआनिपालाई आइतबार राति अज्ञात सशस्त्र समूहले अपहरण गरेको छ ।
जेलबाट रिहा भएको केही घण्टामै राजधानी काराकासको लोस चोरोस क्षेत्रमा उनलाई बलपूर्वक लैजाँदै गरिएको परिवार र विपक्षी नेताहरूले बताएका छन् ।
विपक्षी दल प्रिमेरो हुस्तिसियाका नेता गुआनिपालाई सर्वसाधारण पोशाकमा आएका करिब १० जना सशस्त्र व्यक्तिहरूले चार सवारी साधन प्रयोग गरी नियन्त्रणमा लिएको विपक्षी नेतृ तथा नोबेल पुरस्कार विजेता मारिया कोरिना माचादोले सामाजिक सञ्जालमार्फत जानकारी दिएकी छन् ।
गुआनिपाका छोरा रामोनले यो घटनाको विरोध गर्दै आफ्नो बाबुको जीवित रहेको प्रमाण माग गरेका छन् । प्रिमेरो हुस्तिसिया पार्टीले भने अपहरणको जिम्मेवारी सरकारमाथि लगाएको छ ।
६१ वर्षीय गुआनिपा आठ महिनाभन्दा बढी जेलमा बसेपछि आइतबार मात्रै रिहा भएका थिए । मानवअधिकार समूहका अनुसार सोही दिन कम्तीमा ३० राजनीतिक बन्दीहरूलाई रिहा गरिएको थियो ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)