काठमाडौँ । सुनसरी र झापामा अवैध लागूऔषधसहित तीन जना पक्राउ परेका छन्।
सुनसरीको धरान उपमहानगरपालिका-८ तीनकुनेबाट प्रहरीले नियन्त्रित लागूऔषध ट्रामाडोल ५९० ट्याब्लेट र डिकोलिक ५९० ट्याब्लेटसहित दुई जनालाई नियन्त्रणमा लिएको छ। पक्राउ पर्नेमा मोरङको सुन्दरहरैँचा नगरपालिका-४ निवासी २१ वर्षीय सिजन अधिकारी र तेह्रथुम घर भएका २० वर्षीय नविन कडेल रहेका छन्। अस्थायी प्रहरी चौकी तीनकुनेबाट खटिएको टोलीले प्र.१-०२-०५५ प ११३२ नम्बरको मोटरसाइकल जाँच गर्ने क्रममा उनीहरूलाई लागूऔषधसहित पक्राउ गरेको हो।
त्यस्तै, झापाको बुद्धशान्ति गाउँपालिका-३ किरात पार्क क्षेत्रबाट ब्राउनसुगर जस्तो देखिने १ ग्राम १० मिलिग्राम पदार्थसहित २४ वर्षीय सोनम शेर्पा पक्राउ परेका छन्। इलाका प्रहरी कार्यालय बुधबारेबाट खटिएको प्रहरी टोलीले उनलाई नियन्त्रणमा लिएको हो। प्रहरीले उनले प्रयोग गरेको प्र.१-०१-००२ ह ६१७ नम्बरको अटो पनि बरामद गरेको जनाएको छ।
घटनाबारे थप अनुसन्धान भइरहेको प्रहरीले जनाएको छ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
