काठमाडौँ । पीएम कप अन्तर्गत एपीएफ क्लब र त्रिभुवन आर्मी क्लब विजयी भएका छन् ।
सोमबार जनकपुरमा सम्पन्न खेलमा एपीएफले सुदूरपश्चिम प्रदेशलाई ४५ रनले पराजित गरेको हो । एपीएफले दिएको २६० रनको लक्ष्यपछाएको सुदूरपश्चिम प्रदेशले ४६.३ ओभरमा अल आउट हुदै २१४ रन बनाएपछि एपीएफ ४५ रनले विजयी भएको हो । यसअघि एपीएफले पहिला ब्याटिंग गर्दै ५० ओभरमा ९ विकेट गुमाएर २५९ रन बनाएको थियो ।
यो जितपछि एपीएफको ७ खेलमा ७ अंक भएको छ र छैटौं स्थानमा रहेको छ । त्यस्तै सुदूरपश्चिम प्रदेशको ७ खेलमा १० अंक रहेको छ र दोस्रो स्थानमा झरेको छ ।
त्यस्तै आजै पर्सामा सम्पन्न अर्को खेलमा त्रिभुवन आर्मी क्लबले कर्णाली प्रदेशलाई १३८ रनले पराजित गरेको छ । आर्मीले दिएको २६९ रनको लक्ष्य पछाएको कर्णालीले ४२.१ ओभरमा अल आउट हुदै १३० रन बनाएको थियो । यस अघि पहिला ब्याटिंग गरेको आर्मीले अर्जुन साउदको १२१ रनको शतकीय पारीको सहयोगले ४८ ओभरमा अल आउट हुदै २६८ रन बनाएको थियो ।
यो जितपछि त्रिभुवन आर्मी क्लब ६ खेलमा ११ अंकसहित शिर्ष स्थानमा उक्लिएको छ । त्यस्तै कर्णाली प्रदेशको भने ७ खेलमा ३ अंक रहेको छ र नवौं स्थानमा छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)