काठमाडौँ । इजरायलको रक्षा बलले इरानका नागरिकलाई रेल यात्रा नगर्न चेतावनी दिएको छ ।
आईडीएफको फारसी भाषाको सामाजिक सञ्जाल खातामार्फत जारी सन्देशमा नागरिकलाई आज राति ९ बजेसम्म रेल प्रयोग नगर्न र यात्रा नगर्न आग्रह गरिएको छ । सन्देशमा भनिएको छ- 'रेलमा रहनु वा रेलमार्ग नजिक जानु तपाईंको ज्यानका लागि जोखिमपूर्ण हुन सक्छ ।'
यो चेतावनी अमेरिकी राष्ट्रपति डोनाल्ड ट्रम्पले इरानलाई दिएको समयसीमा सकिन लागेको अवस्थामा आएको हो । ट्रम्पले होर्मुज जलडमरू खोल्न इरानलाई अल्टिमेटम दिएका थिए ।
यसैबीच इजरायल ले तेहरानमा सरकारसँग सम्बन्धित पूर्वाधारमाथि हवाई आक्रमण गरेको जनाएको छ । साथै हिजबुल्लाहसँग सम्बन्धित व्यक्तिहरू मारिएको दाबी पनि गरिएको छ ।
इरान भित्र भने विभिन्न स्थानमा विस्फोट भएको खबर आएको छ । सरकारी समाचार एजेन्सी आईआरएनएका अनुसार खोर्रमाबाद विमानस्थलमा आक्रमण भएको छ भने तेहरानको उत्तरी क्षेत्रमा पनि विस्फोटका आवाज सुनिएको अन्तर्राष्ट्रिय सञ्चारमाध्यमले जनाएका छन् ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
