गुल्मी । गुल्मीको धुर्कोट गाउँपालिकाको अध्यक्षमा नेकपा माओवादी केन्द्रका भुपाल पोखरेल विजयी भएका छन् । माओवादीका पोखरेलले ६ हजार ८९ मत ल्याएर अध्यक्ष जित्दा उनका निकटतम् प्रतिद्वन्दी नेपाली कांग्रेसका महेन्द्र भण्डारीले ४ हजार २६१ मत ल्याएका छन् ।
त्यसैगरी उपाध्यक्षमा नेकपा एमालेकी सीता गिरी निर्वाचित भएका छन् । उपाध्यक्षमा निर्वाचित गिरीले ६ हजार १ मत ल्याइन् । उनका निकटतम् प्रतिद्वन्दी नेकपा एकीकृत समाजवादीका चन्द्रबहादुर सुनारले ३ हजार ४८८ मत ल्याए ।
पोखरेल यस अघि २०७४ पनि माओवादी केन्द्रबाट धुर्कोट अध्यक्षमा निर्वाचित भएका थिए । गत कार्यकालमा उनले नेतृत्व गर्दा कार्यसम्पादन मुल्यांकनमा धुर्कोट गाउँपालिका देशकै तेस्रो र लुम्बिनी प्रदेशको पहिलो उत्कृष्ट पालिका ठहरिएको थियो ।
सुरुवाती चरणमा कांग्रेस र माओवादी विछ गठबन्धन हुने भनिएपनि कांग्रेसले अध्यक्षमा दावी नछोडेपछि माओवादीले एक्लै उम्मेदवारी दिएको थियो । पछि नेकपा एमालेले अध्यक्षमा पोखरेललाई समर्थन गरि माओवादीले उपाध्यक्षमा गिरिलाई समर्थन गरेको थियो ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)