बझाङ । बझाङको दुर्गाथली गाउँपालिका-३ रकेल स्थित श्री भगवती आधारभूत विद्यालयमा सामान्य विवादपछि भएको कुटपिट घटनामा घाइते भएका एक जनाको उपचारका क्रममा मृत्यु भएको छ ।
असार १९ गते बिहान करिब ११: ३० बजे विद्यालयका शिक्षक ५० वर्षीय मदन धामी र स्थानीय २५ वर्षीय सन्तोष धामीबीच सामान्य विवाद हुँदा कुटपिट भएको थियो । घटनामा शिक्षक मदन धामी टाउकोमा चोट लागेर घाइते भएका थिए ।
कुटपिट छुट्याउन गएका सन्तोषका बुवा ५८ वर्षीय गगन धामी पनि टाउकोमा चोट लागेर घाइते भएका थिए । दुवै घाइतेलाई उपचारका लागि जिल्ला अस्पताल बझाङ लगिएको थियो ।
उपचारपछि शिक्षक मदन धामी सोही दिन साँझ अस्पतालबाट डिस्चार्ज भएका थिए भने गम्भीर घाइते गगन धामीलाई थप उपचारका लागि धनगढी स्थित सेती प्रादेशिक अस्पताल पठाइएकोमा असार २० गते बिहान करिब १०:१५ बजे उपचारकै क्रममा मृत्यु भएको हो ।
पछि अनुसन्धानको क्रममा कुटपिटमा संलग्न रहका बझाङ दुर्गाथली गाउँपालिका-३ बस्ने २८ वर्षीय सिंहराज धामीलाई नियन्त्रणमा लिई घटनाबारे थप अनुसन्धान भइरहेको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)