देवदह । देवदहको केरवानी स्वास्थ्य चौकीमा महिलाहरुको स्तन तथा पाठेघरको मुखको क्यान्सरको प्रारम्भिक परिक्षण गरिएको छ । लायन्स इन्टरनेसनल डिस्ट्रिक्ट ३२५ पी नेपालको आयोजना र केरवानी स्वास्थ्य चौकीको प्राविधिक सहयोगमा सञ्चालित शिविरमा १७६ जना महिलाले स्वास्थ्य परीक्षण तथा परामर्श सेवा लिएको केरवानी स्वास्थ चौकीका जनस्वास्थ्य निरीक्षक काशीराम रेग्मीले जानकारी दिए ।
शिविरमा स्त्री, प्रसूति तथा क्यान्सर रोग विशेषज्ञ डा. नारायण जीसीसहितको स्वास्थ्य टोलीले स्वास्थ्य परिक्षण गरेको थियो ।
स्वास्थ परिक्षणमा एक महिलाको भि एल ए पोजिटिभ देखिएको छ भने दुई महिलामा पाठेघरको क्यान्सर र एक महिलामा स्तन क्यान्सरको लक्षण देखिएको छ । परीक्षण गराएका आधाभन्दा बढी महिलामा सेतो पानी बग्ने तथा चिलाउने समस्या देखिएको स्वास्थकर्मीहरुले जनाएका छन् ।
शिविरमा सेवा लिन छुटेका महिलाहरूले केरवानी स्वास्थ्य चौकीबाट नियमित सेवाअन्तर्गत हरेक महिनाको १७ र ३० गते परीक्षण सेवा लिन सक्ने छन् ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)