सन्दर्भ: २६औं स्वास्थ्य सेवा दिवस

स्वास्थ्यकर्मीद्वारा देवदह नगर अस्पताल सरसफाईसंगै दीप प्रज्ज्वलन

सेतोमसी
फाल्गुण १६, २०७९ मंगलवार

स्वास्थ्यकर्मीद्वारा देवदह नगर अस्पताल सरसफाईसंगै दीप प्रज्ज्वलन

देवदह नगर अस्पतालमा सरसफाईपछि दीप प्रज्वलन गर्दै जनस्वास्थ्यकर्मी

अ +
अ
अ -

देवदह । देवदह नगर अस्पतालमा 'स्वास्थ्य सेवा दिवस' विशेष कार्यक्रम गरिएको छ। २६औं स्वास्थ्य सेवा दिवसको अवसरमा नगर अस्पताल परिसरमा सरसफाई र दीप प्रज्ज्वलनसहित शुभकामना आदान-प्रदान गरि दिवस मनाईएको नगरपालिकाको स्वास्थ्य शाखाले जनाएको छ।

देवदह नगरपालिका स्वास्थ्य शाखाको आयोजनामा सोमबार दिउँसो ४ बजेदेखि ६ बजेसम्म अस्पतालमा सरसफाई पश्चात दीप प्रज्ज्वलन गरि स्वास्थ्यकर्मीले स्वास्थ्य सेवा दिवस मनाएका थिए ।

कार्यक्रममा अस्पतालका मेडिकल सुपरिटेण्डेण्ट डा. संज्ञा सेन, डा. विमाञ्चल अधिकारी, नागरिक आरोग्य सेवा केन्द्र भलुही प्रमुख डा. कृष्णा चापागाँई, देवदह अस्पतालका स्वास्थ्य बीमा कार्यक्रम फोकल पर्सन जनस्वास्थ्य निरीक्षक राम प्रसाद पन्थी, केरवानी स्वास्थ्य चौकी प्रमुख जनस्वास्थ्य निरीक्षक काशीराम रेग्मी, शहरी स्वास्थ्य सेवा केन्द्र, भवानीपुर प्रमुख मेघनाथ न्यौपाने, आधारभुत स्वास्थ्य सेवा केन्द्र प्रमुख जनस्वास्थ्य निरीक्षक युवराज दिशा मगर, देवदह नगर अस्पताल नर्सिङ्ग मिनु पुन तथा देवदह नगरपालिका स्वास्थ्य शाखा जनस्वास्थ्य निरीक्षक गिरी त्रामु, पुर्व स्वास्थ्यकर्मी जयकिसन अधिकारी लगायतको उपस्थिति रहेको थियो।