काठमाडौँ । प्रधानमन्त्री पुष्पकमल दाहाल ‘प्रचण्ड’ ले सोमबार दिउँसो १ बजे बस्ने प्रतिनिधिसभाको बैठकमा विश्वासको मत लिँदैछन्। पुस १० गते प्रधानमन्त्रीमा नियुक्त भएका दाहालले तीन महिना नपुग्दै दोस्रो पटक विश्वासको मत लिन लागेका हुन्।
यसअघि पुस २६ गते २६८ जना सांसदको मत पाएका दाहालले फागुन १३ गते राप्रपा र १५ गते एमालेले समर्थन फिर्ता लिएपछि संविधानको धारा १०० (२) अनुसार विश्वासको मत लिन लागेका हुन्।
पुसमा २६८ सांसदको मत पाएका दाहालले सोमबार त्योभन्दा १०० मत कम पाउने राजनीतिक परिस्थिति देखिन्छ। संसदमा ७९ सिटको एमाले, १४ सिटको राप्रपा, एक सिटको नेमकिपा बाहेकका दलले दाहाललाई विश्वासको मत दिँदैछन्। एमालेले औपचारिक रूपमै दाहालको विपक्षमा मतदान गर्ने जनाएको छ।
जसअनुसार सोमबार नेपाली कांग्रेसका ८९ मध्ये ८६, नेकपा माओवादी केन्द्रका ३२ मध्ये ३१, जनता समाजवादी पार्टीका १२ मध्ये १०, नेकपा एकीकृत समाजवादीका १०, राष्ट्रिय स्वतन्त्र पार्टीका १९, जनमत पार्टीका ६ र लोसपा र नाउपा ४/४ जना र जनमोर्चाका एक सांसदले विश्वासको मत दिँदैछन्।
यसमा अमरेशकुमार सिंह र प्रभु शाहले समेत विश्वासको मत दिने प्रधानमन्त्री सचिवालयका एक नेताले जानकारी दिए।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)