राजेश पराजुली, गण्डकी प्रदेश । तनहुँ क्षेत्र नम्बर १ मा प्रतिनिधिसभा सदस्य उपनिर्वाचनका लागि मतदान जारी छ । ६९ मतदानस्थलका १५२ मतदानकेन्द्रमा शान्तिपूर्ण तरिकाले मतदान भइरहेको जिल्ला निर्वाचन कार्यालय तनहुँका प्रमुख हरिप्रसाद ढकालले जानकारी दिए ।
‘सबै ठाउँमा मतदान भइरहेको छ’, उनले भने, ‘२० प्रतिशत मत खसेको अनुमान छ ।’ विहान ७ बजे सुरु भएको मतदान साँझ ५ बजेसम्म जारी रहनेछ । तनहुँ १ मा १ लाख २३ हजार ३५० मतदाता छन् । गएको मंसिर ४ मा भन्दा १८५ मतदाताको संख्या घटेको हो ।
तनहुँको व्यास नगरपालिकाको ५ र ६ बाहेकका १२ वटा वडा, भानु नगरपालिका, आँबुखैरेनी, बन्दीपुर र देवघाट गाउँपालिकाका मतदाताले मतदानमा गरिरहेका छन् । यो क्षेत्रमा ४२ वडा पर्छ ।
मंसिर ४ मा भएको निर्वाचनमा विजयी नेपाली कांग्रेसका रामचन्द्र पौडेल राष्ट्रपतिमा निर्वाचित भएपछि उपनिर्वाचन भएको हो । चुनावी मैदानमा ९ जना छन् ।
पृथ्वीराजमार्ग पूर्ण रुपमा बन्द छ । मतदान सकिएपछि मुख्य निर्वाचन अधिकृतको कार्यालयमा मतगणना हुनेछ । मतगणनास्थलमा तारजाली र सिसीक्यामेरा जडान गरिएको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)