राजनीतिमा दलाल, माफिया र भ्रष्टाचारीको बहुल्यता हुने अवस्था देखापर्‍यो : गोकर्ण विष्ट

सेतोमसी
जेठ १०, २०८० बुधवार

राजनीतिमा दलाल, माफिया र भ्रष्टाचारीको बहुल्यता हुने अवस्था देखापर्‍यो : गोकर्ण विष्ट

अ +
अ
अ -

काठमाडौं । नेकपा एमालेका सांसद गोकर्ण विष्टले निर्वाचन ऐन संशेधन गर्ने सरकारको घोषणाको स्वागत गरेका छन् ।

निर्वाचन ऐन संशोधन गर्दा चार वटा विषय सम्बोधन गर्न उनको सुझाव छ ।

सबै भन्दा पहिले महँगो निर्वाचन प्रणालीको विषयलाई ख्याल गरिनुपर्ने उनको राय छ ।

‘महंगो निर्वाचन प्रणालीको कारणले गर्दा राजनीतिमा असल, इमानदार र गरिब सामान्य अवस्थका मानसहरु आउने लगभग बन्द भएको छ’, उनी भन्छन्, ‘राजनीतिमा एक प्रकारले दलाल, माफिया र भ्रष्टाचारीहरुको बहुल्यता बढ्ने अवस्था देखा पर्यो ।’

यसको अन्त्य गरेर साधारण मानिसहरु समेत राजनीतिमा आउने अवस्था ल्याउन जरुरी रहेको उल्लेख गर्दै उनले यस अनुसार निर्वाचन ऐन संशोधन गर्न सुझाव दिएका छन् ।

दोस्रोमा उम्मेदवार छनोट सम्बन्धी मापदण्ड बनाइनुपर्ने उनको माग छ । ‘उम्मेदवार छनोट गर्दा सम्बन्धित पार्टी कमिटीले बहुमतले गरेको निणर्य लागू हुने व्यवस्था गरियोस्’ बुधबार प्रतिनिधिसभामा सरकारको नीति तथा कार्यक्रममाथिको छलफलमा भाग लिँदै उनले भने ।

कति पटक मुख्यमन्त्री, सांसद हुन पाउन त्यो पनि तय गर्नुपर्ने उल्लेख गर्दै उनले विदेशमा रहेका नेपालीहरुलाई मताधिकार दिने विषय पनि निर्वाचन ऐनमा समेटिनुपर्ने बताएका छन् ।