काठमाडौँ । सरकारले चीनसँग खरिद गरेको कोरोनाविरुद्धको ४० लाख भेरोसेल खोपमध्ये पहिलो चरणमा आठ लाख नौ हजार ६०० डोज खोप नेपाल आइपुगेको छ ।
शुक्रबार बिहान ८ लाख नेपाल वायु सेवा निगमको बाइडबडी ए ३३० जहाज खोप बोकेर त्रिभुवन अन्तर्राष्ट्रिय विमानस्थलमा अवतरण गरेको हो । सरकारले सरकार–सरकार (जिटुजी) मार्फत चीनबाट खोप ल्याएको हो । सरकारले चीनसँग ४० लाख डोज खोप खरिदका लागि नन् डिस्क्लोजर सम्झौता गरेको छ। सोही सम्झौताअनुसार पहिलो चरणमा उक्त खोप नेपाल ल्याइएको हो ।
साउन ८ गतेसम्म तीनवटा उडानमार्फत थप खोप नेपाल ल्याइने बताइएको छ । दोस्रो चरणमा खोप लिन निगमकै बाइडबडी असार ३१ गते पुनः चीन जाने छ । तस्रो चरणमा साउन ७ गते थप खोप ल्याउने नेपालको तयारी छ । खरीद गरेर ल्याइएको भेरोसेल खोप ६० वर्ष मुनि उमेर समूहका नागरिकलाई लगाउने स्वास्थ्य तथा जनसंख्या मन्त्रालयको तयारी छ।
नेपालमा अहिलेसम्म ४२ लाख ४८ हजार खोप आएको छ । अहिलेसम्म नेपालमा २६ लाख ११ हजार ८०७ जनालाई पहिलो मात्रा र आठ लाख ५१ हजार ३०० जनालाई दोस्रो मात्रा खोप लगाइसकेका छन् । सरकारले नेपालमा १८ वर्षभन्दा माथिका कुल दुई करोड २० लाख जनसङ्ख्यालाई खोप लगाउने लक्ष्य लिएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
