चार्डपर्वमा विदेशी फूलको आयात रोक्न वडाले बाढ्यो बिरुवा

सेतोमसी सहकर्मी

चार्डपर्वमा विदेशी फूलको आयात रोक्न वडाले बाढ्यो बिरुवा

अ +
अ
अ -

निशान्त पाठक, देवदह । देवदह नगरपालिका वाड नं. ५ ले विभिन्न फूलका बिरुवा वितरण गरेको छ । शुक्रबार वडाले प्रत्येक टोल सुधार समितिलाई सयपत्री फूलको बिरुवा वितरण गरेको हो ।

विरुवा वितरण गर्दै देवदह नगरपालिकाका प्रवक्ता समेत रहेका वडा नं ५ का अध्यक्ष गणेश डुम्रेले चाडपर्वलाई लक्षित गरि फूलको विरुवा वितरण गरिएको बताए। नेपाली चार्डपर्वमा विदेशी फूल प्रयोग नगरी गाउँघरमै उत्पादित फूलको प्रयोग गर्न वडाबासीलाई विरुवा उपलब्ध गराईएको उनको भनाई छ।

सेतोमसीसंग कुरा गर्दै वडा अध्यक्ष डुम्रेले घरधुरिको रेकर्डको आधारमा वडाको प्रत्येक टोलमा २ सयदेखि ४ सय फूलका विरूवा वितरण गरिएको बताए । उनले भने, चार्डपर्वलाई लक्षित गरि बिरूवा बितरण गरिएको हो, प्रत्येक घर धुरिलाई ३ वटाका दरले पुग्ने गरि बितरण उपलब्ध गराईएको छ ।"

टोल विकास अध्यक्ष वा प्रतिनिधिसंगसमन्वय गरि व्यवस्थित तरिकाबाट विरूवा लगाउन अनुरोध गर्दैले वडा कार्यालयले विदेशी फूलको आयात रोक्नको लागि स्वदेशमै फूलको उत्पादन आवश्यक रहेको जनाएको छ। स-साना कुरामा आत्मनिर्भर बन्न सके, राज्यको धेरै पूँजी बाहिरिनबाट जोगिने वडाको भनाई छ ।

टोल विकासको अलावा गौतम बुद्ध राष्ट्रिय उद्यानलाई एक सय, कलुवा कृषि सहकारी संस्थालाई दुई सय र ऐतिहासिक मन्दिरहरूमा दुई सय फूलका बिरुवा वितरण गरेको वडाले जनाएको छ । वडामा जम्मा ६ हजार ४ सय विरूवा वितरण गरिएको छ ।