नदिको कटानका कारण सुनवल चारपालाका ४५ घरधुरी खतरामा

रेशम अधिकारी
श्रावण ३२, २०७८ सोमवार

नदिको कटानका कारण सुनवल चारपालाका ४५ घरधुरी खतरामा

अ +
अ
अ -

रेशम अधिकारी 'अशोक', सुनवल । वर्षायाम लागेसंगै तराईमा डुबान र पहिरोको जोखिम मुख्य समस्या हो । कतिपय ठाउको कमजोर तटबन्धका कारण कतिपय नदी–खोलाको बाढी बस्ती पसेर बिजोग हुने गरेको छ ।

नवलपरासीको सुनवल नगरपालिका वडा नम्बर सात चारपालामा विगत वर्षजस्तै यस वर्ष पनि खोलाले कटान सुरु गरेको अवस्था छ । उक्त समस्या आजको मात्र नभएर ब्मवर्षांैदेखिको भएपनि खोला नियन्त्रणका लागि कुनै पनि प्रयास भएका छैनन् ।

स्थानीय प्रकाश कुवारका अनुसार, “गाउँ बस्तीसँग नजिक जोडिएको कजरार खोलामा वर्षात्को समयमा एकदमै बाढी आउने गर्दछ । चुरे क्षेत्रबाट बहेर आउने कजरार खोलामा कुनै पनि बेला कटान हुने सम्भावना छ । कटान हुँदा चारपालाका ४५ घरपरिवार जोखिममा रहेको उनले बताए ।

त्यसै गरि चारपालाको ओरालो भागमा रहेको खोलाले माथिल्लो भागमा रहेको खेतियोग्य जमिनलाइ बर्सेनि असर गर्दै आएको छ । वर्षात्मा कजरार खोलामा बाढी उर्लेर आउने गर्दा जोखिम बढेको हो ।

केहिदिनको भारी बर्षातले स्थानीय फडिनारायण लम्सालले धान लगाएको आधा भन्दा बढी जमिनको धानमा खोलाले असर पुराएको छ । विगत लामो समयदेखि खोला नियन्त्रणका लागि बस्तीबाट विभिन्न पहल भए पनि सरोकारवाला निकाय कसैले पनि ध्यान नदिएको लम्सालको गुनासो छ । खोलामा बलियो तटबन्धको अभावमा आफूहरू बाढीको त्रासमा बस्नुपरेको स्थानीय बताउँछन । त्यहाँ लगाएको तटबन्धसमेत बाढीले भत्काएको छ ।

यता खोला नियन्त्रणका लागि नगरपलिका देखि प्रदेश सरकारसम्म जानकारी गराएको र चाडैनै समस्य समाधान हुने वडा नम्बर ७ का वडा अध्यक्ष बसन्त राज दाहालको दावी छ ।

बेलैमा खोला नियन्त्रणका लागि पहल नहुने हो भने चारपालाबासी बिस्तारै बिस्तापित हुनुपर्ने खतरा बढेको छ ।