गौशालामा गाईको व्यवस्थापन नभएको भन्दै विश्वहिन्दु महासंघ र ब्राह्मण समाजको ज्ञापन पत्र

सेतोमसी सहकर्मी

गौशालामा गाईको व्यवस्थापन नभएको भन्दै विश्वहिन्दु महासंघ र ब्राह्मण समाजको ज्ञापन पत्र

अ +
अ
अ -

बुटवल । बुटवल उपमहानगरपालिका अन्तर्गत शिवनगर सामुदायिक वनमा संचालित नन्दिनी गौशालामा रहेका गाईगोरूलाई उचित संरक्षण दिन नसकेको भन्दै ज्ञापन पत्र बुझाइएको छ । बुधबार विश्व हिन्दू महासंघ रुपन्देही र ब्राहमण समाज नेपाल रूपन्देहीले संयुक्त रूपमा बुटवल उपमहानगरपालिकाका नगर प्रमुख खेलराज पाण्डेय र उपप्रमुख सावित्रादेवी अर्याललाई ज्ञापन पत्र बुझाएका हुन् ।

गौशालामा रहेका गाईले खान, स्याहार - सुसार साथै बिरामी अवस्थामा उपचार समेत नगरिएको पाइएपछि नगरप्रमुख पाण्डेलाई उचित व्यवस्थापनका लागि अनुरोध गरिएको विश्व हिन्दू महासंघ रुपन्देहीका सभापति गोविन्द पाण्डेले बताए ।

छाडा गाईगोरुलाई व्यवस्थापन गर्नका लागि भन्दै गौशालामा राखिएता पनि बर्खाको समयमा झनै ठूलो समस्या भएको र दिनमा ५/७ वटा गाईहरु मर्दै आएको तर त्यसतर्फ नगरपालिकाले ध्यान नदिएको ज्ञापन पत्रमा उल्लेख छ।

ज्ञापन पत्र बुझ्दै नगर प्रमुख पाण्डे र उपप्रमुख अर्यालले गौशालाको व्यवस्थापनलाई प्राथमिकतामा राखिने र आवश्यक प्रवन्ध मिलाइने बताएका छन ।

बुटवल उपमहानगरपालिकाले अब पनि गौशालाभित्र उचित व्यवस्थापन नगरे तत्काल कडा रूपमा कदम उठाउने विश्व हिन्दू महासंघ रूपन्देही र ब्राहमण समाज नेपाल रूपन्देहीको जनाएका छन ।