बिर्सेको छैन मैले
हरबखत सम्झिरहेकै छु।
बरु तिमीले पो बिर्सियौ कि ?
बेखबर छौ आजकल ।
खुसीमा, रमाइलोमा मात्र
मित्र सम्झ्यौ भने त
कहाँ हुन्छ र ?
हेर त यो संसारमा
कहिले आगो लागेर
सखाफ पारेको छ
गर्मीले भतभती उसिन्छ जीवन
कहिले घनघोर वर्षासँगै
बाढी पहिरोले तबाही मच्चाउँछ।
सधैं वसन्तको मनोहर पालुवा
अनि शरदको वासनादार फूल त
कहाँ मिल्छ र ?
ग्रीष्म, शिशिरको
उराठ लाग्दो क्षण पनि त हाम्रै हो।
हो, त्यो बेला पनि त सम्झ
तिम्रो मित्रलाई
उराठीएको मनसँगै कता भेटिन्छु ?
म त तिम्रै वरिपरि हुन्छु
अझ भनौँ तिम्रै साथमा छु
तिम्रै हातमा छु।
जाँगर गरेर
चाँसो गरेर खोज्यौ भने
तुरुन्त भेट्न सक्छौ।
जमाना गुगलको छ
तिम्रो मित्र मात्र हैन
उराठी पनि सम्झ्यौ भने
म त खुल्लै छु हरदम
गुगलले फ्याट्ट देखाइदिने छ।
नपत्याए परीक्षण गरि हेर
अनि मात्र दोषी करार गर
म सहन तयार छु।
हैन भने
बिर्सेको मैले हैन
तिमी आफैले हो भनि
स्वीकार्नु पर्छ,
सब ठिकठाक हुन्छ।
तिम्रो मित्र तिम्रै हातमा हुन्छ
हरदम तिम्रै साथमा हुन्छ।
- मित्र 'उराठी' गौतम
अमरपुर गुल्मी
हालः तिलोत्तमा-२, रुपन्देही
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)