काठमाडौं । जनता समाजवादी पार्टी (जसपा) को महन्थ ठाकुर पक्षले जसपा लोकतान्त्रिक पार्टी दर्ता गर्ने तयारी गरेको छ । सरकारले दल विभाजन सम्बन्धी अध्यादेश ल्याएपछि ठाकुर समूहले नयाँ पार्टी दर्ता गर्न लागेको हो।
सरकारले राजनीतिक दलसम्बन्धी ऐनमा संशोधन गर्दै केन्द्रीय समिति वा संसदीय दलमा २० प्रतिशत सदस्यको समर्थन रहे दल विभाजन गर्न मिल्ने गरी अध्यादेश ल्याएको छ। अध्यादेश बुधबार राष्ट्रपति विद्यादेवी भण्डारीले प्रमाणीकरण गरेकी छन्।
अध्यादेश प्रमाणीकरण भएपछि दल दर्ताको तयारी भएको ठाकुर निकट एक नेताले जानकारी दिए । उनका अनुसार पार्टीको अध्यक्षमा महन्थ ठाकुर रहने छन् भने चुनाव चिन्ह साइकल रहने बताइएको छ।
११ साउनमा निर्वाचन आयोगले जसपाको उपेन्द्र यादव पक्षलाई आधिकारिकता दिएपछि ठाकुरसहितका नेताहरुले नयाँ दल दर्ताको तयारी गरेका हुन् ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)