रुपन्देही । राष्ट्रिय निजी तथा आवासीय विद्यालय एशोसियसन रुपन्देहीको आयोजनामा प्रथम नेशनल प्याव्सन कप भलिवल प्रतियोगिता हुने भएको छ । संस्थामा आवद्ध विद्यालय र विद्यार्थीहरुको बिचमा एकता र सुमधुर सम्बन्ध कायम गर्न र विद्यार्थीहरुको खेलकुद क्षमताको विकास गर्न प्रतियोगिता आयोजना गरिएको खेल संयोजक कमल पौडेलले जानकारी दिए ।
प्रतियोगितामा संगठनमा आवद्ध जिल्लाभरका ५५ विद्यालयका कक्षा १० सम्म अध्ययनरत छात्रछात्रा सहभागि हुने आयोजकले जनाएको छ । प्रतियोगितामा प्रथम हुने टिमले नगद १० हजार, द्वितीय हुनेले ७ हजार र तृतीय हुने दुई टिमले ३/३ हजार नगद तथा शिल्ड, मेडल तथा प्रमाणपत्र प्राप्त गर्ने र विधागत पुरस्कार समेत प्रदान गरिने जनाइएको छ ।
माघ २५ र २६ गते देवदह ५ स्थित पानबारी खेल मैदानमा प्रतियोगिता आयोजना गरिएको छ । खेल एफइभीवी अन्तर्राष्ट्रिय नियम अनुसार खेलाईने छ । लिक कम नकआउटको आधारमा खेल खेलाइनेछ र सेमी फाइलनसम्म वेस्ट अफ थ्री र फाइनल खेल वेस्ट अफ फाइभमा खेलाइने आयोजकले जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
