काठमाडौं । नेकपा एकीकृत समाजवादी पार्टीका अध्यक्ष माधवकुमार नेपालले प्रतिगामी तत्वहरूले फेरि शिर उठाउने दुस्साहस गरिरहेको बताएका छन् । उनले नदिको प्रवाह अगाडि बढिसकेको भन्दै फेरि पछाडि फर्किन नसक्ने टिप्पणी गरे ।
नेपाली कांग्रेसको १४ औं महाधिवेशलाई सम्बोधन गर्दै नेपालले देशमा अब राजतन्त्रको कुनै भविष्य नरहेको बताए । आफूभन्दा अगाडि बोलेका राप्रपा अध्यक्ष राजेन्द्र लिङदेनले राजसंस्था फर्काउनुपर्ने माग गरेका थिए । त्यसमा जवाफ दिँदै नेपालले अब बंशको शासन स्वीकार्य नहुने बताए ।
नेपालले भने, ‘म प्रतिगामी तत्वहरूलाई भन्न चाहन्छु, फेरि शीर उठाउने दुस्साहस नगर्नुस् । यदि त्यस्तो भयो भने नेपाली जनता फेरि ज्वालामुखी झैं विष्फोट हुनेछन् ।’
नेपालले पूर्वराजालाई नयाँ पार्टी खोल्न वा व्यापार गर्न सुझाव दिए । उनले भने, ‘राजाले पनि नयाँ पार्टी खोले हुन्छ । व्यापार गरेर बसे हुन्छ । नेपालको रक्षा हामी नेपाली जनताले गर्न सक्छौं ।’
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)