गोरखपुर । भारत उत्तर प्रदेशको बुलन्दशहरस्थित राष्ट्रिय राजमार्ग–३४ मा सोमबार बिहान एक कन्टेनरले भक्तजन बोकेको ट्र्याक्टरलाई ठक्कर दिँदा कम्तीमा ८ जनाको मृत्यु भएको छ भने ४५ जना घाइते भएका छन् । घटना घाटाल गाउँ नजिकै भएको हो, जब कासगञ्ज (यूपी) बाट राजस्थानको गोगामेडी जाँदै गरेका गोगाजीका भक्तजन सवार ट्र्याक्टर दुर्घटनामा परेको हो । पीडितमध्ये १२ जना बालबालिका थिए ।
जानकारी पाएलगत्तै जिल्ला अधिकारी (डीएम) र वरिष्ठ प्रहरी अधीक्षक (एसएसपी) सहितको प्रहरी टोली दुर्घटनास्थल पुगेको थियो । घाइतेलाई अलीगढ मेडिकल कलेज, बुलन्दशहर जिल्ला अस्पताल र कैलाश अस्पतालमा भर्ना गरिएको छ । तीमध्ये तीन जनाको अवस्था गम्भीर छ र भेन्टिलेटरमा राखिएको छ ।
घटनापछि अर्निया प्रहरी र वरपरका प्रहरी चौकीका टोली तुरुन्तै घटनास्थल पुगेका थिए । प्रारम्भिक अनुसन्धानमा भक्तजन बोकेको ट्र्याक्टर-ट्रलीलाई बढी मानिस राख्न मिल्ने गरी दोहोरो तल्लामा रूपान्तरण गरिएको पाइएको प्रहरीले जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
