'गुरुयोजना विपरित काम भएकाे छैन : लुम्बिनी विकास कोष

सेतोमसी
माघ ४, २०७८ मंगलवार

'गुरुयोजना विपरित काम भएकाे छैन : लुम्बिनी विकास कोष

अ +
अ
अ -

काठमाडौं । पर्यटनमन्त्री प्रेम आलेले गुरुयोजना विपरित लुम्बिनीमा रिसोर्ट खोल्न अनुमति दिने निर्णय गरेको भन्दै आएका समाचारप्रति लुम्बिनी विकास कोषले असहमति जनाएको छ ।

कोषका सदस्यसचिव सानुराजा शाक्यले एक विज्ञप्ती जारी गर्दै गुरुयोजना विपरित कुनै पनि निर्णय नभएको बताएका छन् ।

गुरुयोजनाभित्र पर्यटकको सुविधाका लागि क्याम्पेन ग्राउण्ड निर्माण र सञ्चालनका लागि सम्सरा वेलनेस रिसोर्टको तर्फबाट आएको प्रस्तावलाई स्वीकृतिका लागि पेश गर्न दिने सैद्धान्तिक निर्णय मात्रै भएको कोषले जनाएको छ ।

पछिल्लो समय जनप्रिय कदमका कारण लोकप्रिय भएका मन्त्री आलेलाई बदनाम गर्ने उद्देश्यले लुम्बिनीसँग जोडेर समाचार प्रकाशन गरेको भन्दै कोषले दुःख व्यक्त समेत गरेको छ ।

कोषका अध्यक्ष समेत रहेका मन्त्री आले र उपाध्यक्ष भिक्षु मैत्तयबीच सम्बन्ध विग्रिएको भन्दै भ्रम छर्ने काम भएको उल्लेख गर्दै कोषले भिक्षु नियमित कार्यतालिका अनुसार क्यानडा गएको जनाएको छ ।

कोषले भनेको छ, ‘भिक्षु मैत्तय नियमित प्रत्येक वर्ष क्यानडामा डिसेम्बरदेखि दुई महिने धर्म प्रचार तथा ध्यान सिकाउन कार्यतालिका अनुसार मन्त्रीको स्वीकृतिमा नै उहाँ क्यानडा जानुभएको जानकारी गराउन चाहान्छु ।’