एमाले महाधिवेशन

प्रदीप ज्ञवालीले गरे ओली नेतृत्वको टिमलाई जिताउन अपिल

सेतोमसी
पौष १, २०८२ मंगलवार

प्रदीप ज्ञवालीले गरे ओली नेतृत्वको टिमलाई जिताउन अपिल

अ +
अ
अ -

काठमाडौँ । नेकपा एमालेका नेता प्रदीप ज्ञवालीले केपी शर्मा ओलीले नेतृत्वको टिमलाई जिताउन अपिल गरेका छन् ।

ओली प्यानलबाट महासचिवका आकांक्षी रहेका ज्ञवालीले उपाध्यक्ष पदमा उम्मेदवारी दिन अस्वीकार गर्दै केन्द्रीय सदस्यमा मात्र उम्मेदवारी दिएपछि ओली पक्ष सशंकित बनेको थियो ।

ज्ञवालीले मंगलवार बिहान सामाजिक सञ्जालमा ओली नेतृत्वको टिमलाई विजयी बनाउन आग्रह गर्दै आफुहरु सधै कार्यकर्ताको बिचमा नै रहने बताएका छन् । ज्ञवालीले आफु केन्द्रीय सदस्यको उम्मेदवार रहेको बताउदै मन र मत दुवै पाउने विश्वास समेत गरेका छन् ।

उनले भनेका छन्- एघारौँ राष्ट्रिय महाधिवेशनका प्रिय प्रतिनिधि कमरेडहरू ! आज महाधिवेशनको सर्वाधिक महत्वपूर्ण र निर्णायक क्षण अर्थात् नयाँ नेतृत्वका लागि मतदान हुँदैछ । नेकपा (एमाले) को आन्तरिक जीवनका लागि मात्र होइन, चुनौतीपूर्ण राष्ट्रिय राजनीतिकै लागि पनि दूरगामी अर्थ राख्ने यस महाधिवेशनबाट कमरेड केपी शर्मा ओलीले अगुवाइ गर्नु भएको सिङ्गो टिमलाई शानदार मतका साथ विजयी बनाउनु हुन सबै कमरेडहरूमा हार्दिक अपिल गर्दछु । म हमेशा तपाईँहरूकै बिचमा छु, त्यहीँ रहन्छु ।

यसपटक पार्टी केन्द्रीय कमिटीको सदस्य पदमा उम्मेदवारी दिएको छु । कमरेडहरूबाट मन र मत दुबै पाउने विश्वास लिएको छु ।