काठमाडौँ । इरानका सर्वोच्च नेता आयातुल्लाह अली खामेनीको मृत्यु भएको खबर सार्वजनिक भएपछि उनका छोरा मुज्तबा खामेनी नयाँ सर्वोच्च नेताका रूपमा अघि आउने सम्भावना बढेको चर्चा गरिएको छ ।
खामेनीले सन् २०२४ मै आफ्ना दोस्रो छोरा मुज्तबालाई उत्तराधिकारी बनाउने तयारी गरेका थिए । स्वास्थ्य अवस्था कमजोर बन्दै गएपछि उनले यस्तो निर्णय लिएको बताइए पनि यसको आधिकारिक पुष्टि भने सार्वजनिक गरिएको थिएन ।
रिपोर्टहरूका अनुसार इरानको विशेषज्ञ सभा नामक निकायले सन् २०२४ सेप्टेम्बर २६ मै नयाँ सर्वोच्च नेताको छनोट प्रक्रिया पूरा गरेको थियो । खामेनेईले सभाका करिब ६० सदस्यलाई बोलाएर गोप्य रूपमा उत्तराधिकारीबारे निर्णय लिन निर्देशन दिएका थिए । त्यसपछि सभाले सर्वसम्मत रूपमा मुज्तबा खामेनीको नाममा सहमति जनाएको बताइएको छ ।
हाल खामेनीको मृत्यु सम्बन्धी समाचार बाहिरिएसँगै मुज्तबा खामेनी इरानको आगामी सर्वोच्च नेताका मुख्य दाबेदारका रूपमा हेरिन थालेका छन् ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
