नियमित विद्युत आपूर्ति लागि ट्रान्सर्फमर मर्मत गर्न नगरपालिकाले प्राधिकरणलाई २ लाख दिने

सेतोमसी
आषाढ १८, २०७९ शनिवार

नियमित विद्युत आपूर्ति लागि ट्रान्सर्फमर मर्मत गर्न नगरपालिकाले प्राधिकरणलाई २ लाख दिने

अ +
अ
अ -

देवदह । देवदहमा देखिएको अनियमित विद्युत कटौतीको समस्या समाधानका लागि नगरपालिकाले पहल लिएको छ । शुक्रबार देवदह नगरपालिका र बिद्युत प्राधिकरण बुटवलबिच विद्युत समस्या सम्बन्धी छलफल भएको हो ।

नगरपालिकाका प्रमुख ध्रुव प्रसाद खरेल, उपप्रमुख बिद्यालक्ष्मी गुरुङ, प्रमुख प्रशासकिय अधिकृत डिल्लीराम बेल्बासे र वडाधक्षहरूले नेपाल विद्युत प्राधिकरण बुटवल कार्यालय प्रमुख सुरेश कुमार महतो, बुटवल वितरण केन्द्र सूचना अधिकृत राजेन्द्र क्षेत्री र शित्तलनगर सब स्टेशन प्रमुख शशिराम भण्डारी लगायतको उपस्थितिमा विद्युत नियमित गर्ने सन्दर्भमा छलफल भएको देवदह नगर प्रवक्ता गणेश डुम्रेले बताए ।

छलफलले देवदह नगर क्षेत्र भित्रको विद्युतीकरणमा देखिएको समस्या समाधान गर्न लाइन सुधार गर्ने प्रयोजनार्थ देवदहका सबै वडाहरुमा नेपाल विद्युत प्राधिकरण, बुटवल वितरण केन्द्रले सम्बन्धित वडा अध्यक्ष /वडा सदस्यको उपस्थितिमा सर्भे गर्ने र पुराना ट्रान्सफर्मरहरु मर्मत गरी जडान गर्नको लागि देवदह नगरपालिकाले प्राधिकरण बुटवल वितरण केन्द्रलाई २ लाख रकम उपलब्ध गराउने निर्णय गरेको प्रवक्ता डुम्रेको भनाइ छ ।

वडा नं. ५ र ६ को विद्युत सर्भे सकिएको र बाँकी वडाको पनि सर्भे गरि समस्या समाधान गर्ने प्राधिकरणका बुटवल प्रमुख सुरेश कुमार महतोले प्रतिबद्धता ब्यक्त गरेको नगरपालिकाले जनाएको छ ।