३० औं पटकमा एसईई उत्तीर्ण

सेतोमसी
श्रावण १४, २०७९ शनिवार

अ +
अ
अ -

कैलाली । कैलालीका ५३ वर्षीय भागिराम चौधरी ३० औं पटकमा माध्यमिक शिक्षा परीक्षा (एसईई) उत्तीर्ण भएका छन् । २९ पटकसम्म परीक्षामा असफल चौधरी यो वर्ष २ जीपीए ल्याएर उत्तीर्ण भएका हुन् ।

कैलारी गाउँपालिका–६ को गदरियास्थित जनता माध्यमिक विद्यालयबाट उनले एसईई उत्तीर्ण गर्नुभएको विद्यालयका शिक्षक यामु शर्माले बताए ।

उनी २०५२ सालबाट चौधरी सोही विद्यालयमा कार्यालय सहयोगीको रुपमा कार्यरत छन् ।

चौधरीले कक्षा ११ र १२ जनता माध्यमिक विद्यालयमै पढ्ने बताएका छन् । ‘यसवर्ष एसईई पास भएपछि धेरै खुशी भएको छु’, उनले भने,‘अब कक्षा ११ र १२ पढ्छु।’

कैलारी गाउँपालिका–६ बनकट्टा गाउँका चौधरीले २०४८ सालमा पहिलो पटक एसएलसी दिएका थिए ।

दीपेन्द्र माध्यमिक विद्यालय हसुलियाबाट पहिलो पटक एसएलसी परीक्षा दिएका उनलाई सफलता हात लागेन। त्यसपछि हरेक वर्ष एसएलसी परीक्षा दिँदा उहनी असफल भइरहे ।

कोरोना महामारीको क्रममा दुई वर्ष विद्यालयले आन्तरिक मूल्याङ्कन गरेर पठाएको परिणामको आधारमा एसईईको नतिजा सार्वजनिक गरिएको थियो। ‘त्यो बेला चौधरीले चाहेको भए एसईई पास गर्ने राम्रो अवसर थियो’, शिक्षक शर्मा भन्नुहुन्छ, ‘तर, उहाँले म लेखेर पास गर्छु भनेर फाराम भर्नुभएन। अहिले राम्रो नतिजा ल्याउनुभएको छ।’

चौधरीका तीन सन्तानले भने उच्च शिक्षा हासिल गरिसकेका छन्।
पत्रपत्रिकाबाट