काठमाडौं । आज नेपाल बन्दको आह्वान गरिएको छ । नेत्रविक्रम चन्द 'विप्लव' नेतृत्वको नेकपा सहित ४ दलले नेपाल बन्दको आह्वान गरेका हुन् ।
नेकपा विप्लव समुहका एक केन्द्रिय नेताले पुर्वनिर्धारित कार्यक्रम अनुसाए आज बिहान ५ बजेदेखि साँझ ५ बजेसम्म नेपाल बन्दको आह्वान गरिएको बताए ।सेतोमसीसंग कुरा गर्दै उनले राष्ट्रिय स्वाधीनता तथा महंगी नियन्त्रणका लागि शान्तिपुर्ण रूपमा 'नेपाल बन्द सफल' बनाउन आम नागरिकसंग अपिल गरे ।
साउन २७ गते संघर्षका कार्यक्रमहरू सार्वजनिक गरेका ४ दलले भाद्र १ गतेदेखि सप्ताहव्यापि संघर्षका कार्यक्रम गर्दै आएका थिए । दलहरूको पुर्वनिर्धारित कार्यक्रम अनुसार आज नेपाल बन्दको आह्वान गरिएको हो ।
एमसीसी सम्झौताको विरोध, विप्लवसंग गरिएको ३ बुँदे सम्झौताको पालना, राष्ट्रियता, जनतन्त्र र जनजीविकाको सवालहरूमा आफुहरूले संघर्ष गरिरहेको दलहरूले बताएका छन् ।
बिहानैदेखि बन्दकर्ताहरू सडकमा देखिएका छन् ।
४ दलमा नेपाल कम्युनिस्ट पार्टीका (विप्लव समूह), वैज्ञानिक समाजवादी कम्युनिस्ट, नेकपा माओवादी समाजवादी र नेपाल कम्युनिस्ट पार्टी (ऋषि कट्टेल समूह) रहेका छन् ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)