मेरा बाले घ्यू खाएका थिए
नपत्याए
मेरा हात सुँघ
भने जस्तै
हाम्रो इतिहासमा
हाम्रो भूगोल
यहाँसम्म थियो
त्यहाँसम्म थियो
भन्दै आत्मरतिमा रमाउनु
र
दृष्टि विहीनले हात्ती छाम्नु
उस्तै उस्तै त हैन् ?
कोही ग्रेटर भारत भन्छ
कोही ग्रेटर नेपाल भन्छ
फेरि त्यसै गरि
कोही ग्रेटर वृटेन भन्यो भने
के हुन्छ ?
अनि कोही ग्रेटर रुस भन्यो भने
के हुन्छ ?
फेरि इतिहास खोतल्दै जाँदा
भारतमा अङ्ग्रेज आउनु अघि
अनि नेपालमा
पृथ्वीनारायण भन्दा अगाडि पुगेर
मेरो यो भूगोल
तिम्रो त्यो भूगोल
भन्यो भने के हुन्छ ?
साँच्चै खोज्दै जाने हो भने
फर्कौँ आदिम युगमा
जहाँ
न तिम्रो भूगोल थियो
न मेरो भूगोल थियो
थियो त केवल
साझा भूगोल
न त्यहाँ कुनै शासकका स्वार्थ पूरा गर्न
रगतले सीमा रेखा कोरिएका थिए
न भिमकाय ग्रेटवाल बनेका थिए।
तसर्थ
हामी एउटै पूर्खाका सन्तान विच
आपसी वैमनस्यता बढाउने
मानव जातिकै अस्तित्व डढाउने
कलुषित भावनाको
विषवृक्ष बीज नछर
बरु
गौतम वुद्धको अमृत वचन
विश्व शान्तिको कामना गर।
विश्व शान्तिको कामना गर।
सर्जक : मित्र 'उराठी' गौतम, तिलोत्तमा
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)