चैत्र २८ एजेन्सी- शनिबार इन्डोनेसियाको जाभा टापुमा ६.१ म्याग्निच्यूडको भूकम्प गएको छ । अमेरिकी भूगर्भ सर्वेक्षणका अनुसार सुनामीको खतरा भने देखिएको छैन ।
पूर्वी जाभाको मालाङ सहरबाट ४५ किलोमिटर दक्षिणपश्चिम क्षेत्रलाई केन्द्रबिन्दु बनाएर भूकम्प गएको थियो । भूकम्प ८२ किलोमिटर अर्थात् ५० माइल गहिराइमा थियो । भूकम्पबाट दशौँ लाख मानिसको बसोबास रहेको मालाङ सहरलाई शक्तिशाली भूकम्पले केही बेर हल्लाए पनि कोही घाइते भएको विवरण सार्वजनिक भएको छैन ।
इन्डोनेसियाका केही सामाजिक संजाल प्रयोगकर्ताहरूले भूकम्पको अनुभव पकितान, ब्लिटार र मालांग जस्ता धेरै शहरहरूमा र बालीको रिसोर्ट टापुमा समेत भएको महसुस गरेको बताएका छन ।
इन्डोनेसियामा हरेक वर्ष भूकम्प, बाढी पहिरो, सुनामी लगायत प्राकृतिक विपदका कारण ठूलो क्षति हुने गरेको छ ।
इन्डोनेसियामा गत साता मात्रै बाढीले ठूलो जनधनको क्षति भएको थियो ।
२००४ को डिसेम्बरमा ९ दशमलब १ म्याग्निच्यूडको भूकम्प र त्यसपछिको सुनामीका कारण २ लाख २० हजार मानिको मृत्यु भएको थियो । २०१८ मा पनि ७ दशमलब ५ म्याग्निच्यूडको भूकम्प र भूकम्पपछिको सुनामीमा परी ४ हजार ३ सय मानिस वेपत्ता भएका थिए ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)