देवदह। रुपन्देहीको देवदहमा ४२औं मगर स्थापना दिवस मनाइने भएको छ। आइतबार नेपाल मगर संघ देवदह नगर समितिले पत्रकार सम्मेलनको आयोजना गरि फागुन १५ गते मगर एकता दिवसको अवसरमा झाँकी र भेषभुषा सहितको कार्यक्रम आयोजना गरिने जनाएको छ । 

पत्रकार सम्मेलनमा बोल्दै नेपाल मगर संघ देवदहका अध्यक्ष मन बहादुर राना मगरले पानबारी खेलमैदानमा बृहत कार्यक्रम गरिने बताए । मगर संस्कृतिको प्रवर्धन र मगर समुदायको एकताको लागि कार्यक्रम आयोजना गरिएको उल्लेख गर्दै  राष्ट्रिय कलाकारको उपस्थितिमा सांस्कृतिक कार्यक्रमसंगै जेहेन्दार विद्यार्थीलाई छात्रवृत्ति प्रदान र मगर अगुवालाई समान सहोताको कार्यक्रम हुने जानकारी दिए । 
 
मगर दिवसको अवसरमा सांस्कृतिक कार्यक्रम, बटुक, सेलरोटी लगायत खानाका परिकार सहित खेलकुदका कार्यक्रम अनि हुने जनाईएको छ । 

कार्यक्रमको मूल समारोहलाई लुम्बिनी प्रदेश सभा सदस्य निर्मला देवी चौधरी लगायतले सम्बोधन गर्ने कार्यक्रम रहेको संघका नगर सचिव आउने कार्यक्रम रहेको छ। मिलन मास्की रानाले बताएका छन् । 

पत्रकार भेटघाट कार्यक्रममा संस्थाका उपाध्यक्ष किशन बहादुर थापा, कोषाध्यक्ष बुद्धिमाया राना, लेखा समिति सदस्य तारा बहादुर थापा, वडा नम्बर ५ का अध्यक्ष नारायण श्रीस मगर लगायतको उपस्थिति रहेको थियो । 

कार्यक्रमलाई सम्बोधन गर्नका लागि प्रमुख अतिथिको रुपमा लुम्बिनी प्रदेश सभा सदस्य निर्मला देवी चौधरी आउने कार्यक्रम रहेको छ। 

फागुन १५ गते देवदहमा सार्वजनिक विदा 

यसैबीच देवदह नगरपालिकाले फागुन १५ गते सार्वजनिक विदा दिने भएको छ ।  मगर समुदायको बाहुल्य क्षेत्र रहेको र मगर संघले निरन्तर अनुरोध गरेका कारण विदा दिईएको जनाईएको छ । 

आइतबार बसेको नगरपालिकाको कार्यपालिका बैठकले सार्वजनिक विदा दिने निर्णय गरेको हो । 

नेपाल मगर संघ देवदहले नगरपालिकाको क्यालेण्डरमै फागुन १५ गते सार्वजनिक विदा उल्लेख गरिनुपर्ने माग राख्दै आएको छ ।